الأسئلة الشائعة

اليفط بتتحسب بالمتر المربع حسب الخامة: بتكتب العرض والارتفاع والسعر يظهر لك على طول. القطع الصغيرة ليها حد أدنى للسعر. ونفس السعر اللي على الموقع هو سعر المعرض.

لأ. بتبعت الطلب من غير دفع، وحد من فريق المبيعات بيكلمك يأكد التفاصيل. الدفع بيبدأ بالعربون بعد ما توافق على التصميم.

العربون 40٪ من قيمة الطلب، بتدفعه بعد موافقتك على التصميم. لو لغيت قبل ما نبدأ نجهّز الخامات بيرجعلك كامل، وبعد كده ما بيرجعش لأن الشغل معمول مخصوص ليك.

العربون بإنستاباي أو فودافون كاش، والبيانات بتلاقيها في صفحة طلبك. والباقي عند الاستلام.

أيوه. للشركات والكميات الكبيرة اطلب عرض سعر من صفحة «للشركات» وهنرجعلك خلال يوم عمل.

ابعت اللي عندك حتى لو صورة من الموبايل، والمصمم بيجهّزه للتنفيذ. ولو محتاج يترسم من جديد البياع بيقولك قبل ما نبدأ.

أيوه. التصميم بيوصلك على صفحة طلبك، وتقدر تطلب تعديل منها لحد 2 مرات. ولو محتاج تعديلات أكتر، كلم البياع بتاعك.

قريبة جدًا، بس الألوان على الخامة ممكن تفرق شوية عن الشاشة حسب الموبايل أو الكمبيوتر اللي بتشوف عليه. لو اللون مهم، قول للبياع وهنظبطه على كود اللون بتاعك.

حسب المنتج والكمية. البياع بيقولك الميعاد قبل ما تدفع العربون، والوقت بيتحسب من بعد موافقتك على التصميم.

لكل محافظات مصر. تكلفة الشحن بتعرفها من البياع قبل ما تأكد، ومش بيتضاف عليها حاجة بعد كده.

أيوه، وخصوصًا اللوجو البارز على الحيطة: بيتركب بشبلونة عشان يطلع مظبوط. تكلفة التركيب بتتحدد حسب المكان والمقاس.

من رابط صفحة طلبك اللي بيوصلك بعد الطلب. ولو الرابط ضاع منك افتح «تابع طلبك» واكتب رقم الطلب والموبايل.

فيه شريحة بتفتح صفحة على الموبايل أول ما حد يقرّب موبايله منها، ومعاها QR للموبايلات اللي مفيهاش NFC. الصفحة ممكن تبقى كارت شخصي، أو منيو، أو صفحة تقييم على جوجل.

الصفحة الأساسية مجانية دايمًا. وفيه اشتراك اختياري لمميزات زيادة زي المنيو والإحصائيات.

أيوه، من رابط التعديل اللي بيوصلك، من غير ما الكارت يتغير.